إي بالله أخطوا و الخطا اللي جابهم عين الصواب 0000
مبطي و انا اشوف الطمع يكشف رداهم و استره
ما يملى عيون الحسود بهالزمن غير التراب 0000000
و من لا يتوب من الخطا تحرم عليه المعذرة
اللي من أولها خراب أكيد تاليها خراب0000000
و البندق اللي ما تثوّر في هدفها تذعره
مشكلتي إني ما عرفت أحسب لصدتهم حساب 000000
قلطتهم صدري على ذكري قصيد و حنجرة
صوت(ن) يصول بمنظره و خطاب ما بعده خطاب 0000000
و الطيبة اللي زعزعت صوت الخطيب و منظره
ما فيه دمع(ن) صوبوه أحبابي بوجهي و خاب 00000000000
و لا زرق حزني على غالي و لا فجّ نحره
كل الزهاب اللي معي ذكرى من اصحاب الزهاب 000000
و اللي بقى لي من عذاب أشرس طريقي و اخطره
لاني تجنبت الغرق عديت من فوق السحاب 000000
لان اكثر أصحابي ورق ما شفت للطيب ثمرة
و الله ما حطيت بين الحقد و الخوّة حجاب 0000000
حتى غدوا ربعي يحدوني على الضيق أشكره
البارحة ثارت علي أرقاب و آوت لي رقاب0000000
البارحة يا ثقل دم البارح و ياما أحقره
أهب ياوجه الحسد وشلون جمعهم و غاب 000000
كيف السنين اللي عطتني بعثرتهم بعثرة
أثر المصايب ما تجيك إلا من الناس القراب 000000
و فهالزمن حتى الخوي اللي تثق فيه إحذره
لا بارك الله في رفيق(ن) تزعله كلمة عتاب 000000
و لا جمّع الله الرجال اللي تفرقهم مرة
عودت نفسي كل ما شددت لليمة ركاب 000000
ما صد وجهي عن طريق إلا إليا جبت خبره
الصاحب اللي ما يجي من صحبته غير العذاب 000000
نذر(ن) علي إن ما هجرني و الا أنا اللي بهجره
من يفتح لفرقاي باب أفك له عشرين باب 000000
و إذا خويي ما يقدر خوتي ما اقدّره
إن روحوا فانا بري(ن) منهم ليوم الحساب 000000
و ان جرحوا قولوا لهم ما حركوا في شعره
شفهم لهم حول السنة و لا اخذوا مني جواب 00000
أحسن دوا للي يحاول يستفزك تحقره
أنا جمعت أوراقهم بكتاب و اغلقت الكتاب 00000
يا وقت لمّ اللي تلمه و انثر اللي تنثره
ما كنت أحاتيهم صغيّر عاد أحاتيهم شباب 00000
إن ما ذخرني صاحبي لليوم الاسود ما اذخره
عقب اكتئاب البارحة ما عاد أنا حمل اكتئاب 000000
الطيب جرجرني و انا مانيب ناقص جرجرة
اللي يخاف من الظما يترك لنا طرد السراب 00000
و اللي مهو قد الظلام و وحشته لا يسهره
أنا تجرعت الظما لين احترق وجهي و ذاب 000000
أنا كسرت بخاطري قبل الصداقة تكسره
أنا خسرت اللي غيابه غير عن كل الغياب 00000
أنا غفرت لعالم(ن) ما تستحق المغفرة
أنا اكثر إنسان تعلم من كثرما اخطا و أصاب 00000
أنا آخر إنسان يتكلم في زمان الثرثرة
أنا القصيد اللي نزع من دفتره مليون ناب 00000
و انا الوحيد اللي جمع مليون ناب بدفتره
جفني و جرحه السهر حيلي و هدته الصعاب 00000
دمعي هدر ضحكي ندر عمري و ضيعت أكثره
شيبت بعقول العرب هيبت ناس ما تهاب 00000
جمهرت ناس عمرهم ما يعرفون الجمهرة
ما صرت ذيب إلا لأن اللي حواليني ذياب 000000
ما كنت أغيب إلا لأن العفو عند المقدرة
ترى حلاتك لاحملت لصاحبك كلمة عتاب 00000
إن ما نطقت بها بوجهه ما تذمه بظهره
في هالزمن ما يملى عيون الحسود إلا التراب 00000
و إلا الحظيظ الطلقة اللي ما تصيبه تذعره
ودك إليامن جاتك الغلطة من الناس القراب 00000
((الصاحب اللي ما كسبت محبته ما تخسره))
شرررررايكم
الأربعاء أبريل 08, 2009 12:35 am
